AQSH ayollar terma jamoasi va Manchester Siti klubi yarim himoyachisi Sem Koffi tizzasidagi kichik jarohat sababli jarrohlik amaliyotini o‘tkazdi. Bu haqda Manchester Siti klubi matbuot xizmati juma kuni rasman ma’lum qildi. Bu haqda Goal.com xabar beradi.
Klub futbolchining qachon maydonga qaytishi bo‘yicha aniq muddatni ochiqlamadi. Hozirda Sem Koffi Manchester Siti tibbiyot xodimlari nazorati ostida reabilitatsiya jarayonini boshlagan. U yozgi ta’til davrida tiklanish ishlarini olib boradi.
Sem Koffi joriy yilning yanvar oyida Manchester Siti safiga kelib qo‘shilgan edi. U qisqa vaqt ichida jamoaning asosiy tarkibidan joy olib, klubning 2016-yildan buyon ilk bor Ayollar Superligasi chempionligini qo‘lga kiritishida muhim rol o‘ynadi.
Klub bayonotiga ko‘ra, yarim himoyachi 2026/27-yilgi mavsumga hamda AQSH terma jamoasi safida 2027-yilgi Jahon chempionati saralash o‘yinlariga tayyorgarlik ko‘radi. Manchester Siti ayni damda turnir jadvalida 52 ochko bilan peshqadamlik qilmoqda va Arsenal klubidan to‘rt ochkoga oldinda bormoqda.
“Zamin”ni Telegramʻda oʻqing!
