Braziliya terma jamoasi va Madridning «Real» klubi sobiq futbolchisi Roberto Karlos 41 yoshli portugaliyalik hujumchi Krishtianu Ronaldu faoliyati davomida 1000 ta gol urish maqsadi haqida fikr bildirdi. Bu haqda euro-football.ru xabar beradi.
«Ronaldu muxlislari uchun Krishtianuning tarix yozayotgani va yangi rekordlar o'rnatayotganini ko'rish juda yoqimli. 1000 ta gol urgan yagona futbolchi — Pele. Ronaldu ham bu ro'yxatni kengaytirishi mumkin», — deya Karlosning so'zlarini O Jogo keltirdi.
Joriy mavsumda yulduz to'purar Saudiya Arabistonining «Al-Nasr» safida 22 uchrashuv o'tkazib, 18 ta gol urdi va 3 ta golli uzatma berdi. Shuningdek, Ronaldu Saudiya ligasi ichidagi transfer qarorlaridan norozi bo'lgani sabab «Al-Nasr»ning so'nggi o'yinlarida maydonga tushmadi.
“Zamin”ni Telegramʻda oʻqing!
