Chempionlar ligasida umumiy bosqich yakuniga yetdi. Endi esa pley-off o'yinlari boshlanadi: 16 jamoa styk raundida to'qnash kelib, 1/8 final uchun sakkizta yo'llanmani o'ynab beradi. Umumiy bosqichning eng kuchli sakkiz jamoasi esa allaqachon 1/8 finalga to'g'ridan-to'g'ri chiqdi. Bu haqda euro-football.ru xabar beradi.
Shu orada UEFA Chempionlar ligasi finali uchun mo'ljallangan rasmiy to'pni taqdim etdi. Dizayn asosan to'q ranglarda ishlangan bo'lib, unda oq yulduzlar aks etgan. To'p Adidas tomonidan ishlab chiqarilgan.
2025/2026 yilgi mavsum Chempionlar ligasi finali Budapeshtda bo'lib o'tadi. “Quloqli” sovrin uchun hal qiluvchi bahs 30 may, shanba kuni o'tkaziladi (Toshkent vaqti bilan).
Hozirgi amaldagi chempion — “PSJ”. O'tgan finalda parijliklar “Inter”ni 5:0 hisobida yirik mag'lub etib, raqibiga imkon qoldirmagan edi.
“Zamin”ni Telegramʻda oʻqing!
