Oilaviy sharoitlar sabab futbolchilik faoliyatini yaqinda yakunlagan sloveniyalik yarim himoyachi Kevin Kampl «RB Leyptsig»dagi davrlarini eslab, o'sha paytdagi bosh murabbiy Ralf Rangnik bilan bog'liq voqeani gapirib berdi. Bu haqda euro-football.ru xabar beradi.
Kamplning so'zlariga ko'ra, rafiqasi tug'ruq arafasida bo'lishiga qaramay, Rangnik undan baribir maydonga tushishni qat'iy talab qilgan: «Ortingdan samolyot yuboraman, sen bu o'yinda maydonga tushishing shart», degan ekan murabbiy.
Gap «Volfsburg»ga qarshi bahs haqida ketmoqda — o'sha o'yinda Leyptsig 4:0 hisobida g'alaba qozongan. Uchrashuvdan keyin esa Kampl yanada hayratda qolgan: Rangnik jurnalistlar bilan suhbatda futbolchi o'zi jon-jahdi bilan o'ynashga intilgandek taqdim etgan, aslida esa vaziyat buning teskarisi bo'lgan.
“Zamin”ni Telegramʻda oʻqing!
