Italiya terma jamoasi va Turinning «Yuventus» klubi sobiq darvozaboni Janluiji Buffon hozirgi paytda eng katta istiqbolga ega italiyalik futbolchi kimligini aytdi. Uning fikricha, bu — Milanning «Inter» jamoasida toʻp surayotgan Pio Espozito. Bu haqda euro-football.ru xabar beradi.
Buffon yosh hujumchining yaqin kelajakda katta sahnada yorqin porlashiga umid bildirdi va u allaqachon jahon chempionatida oʻzini koʻrsatishi mumkinligini taʼkidladi.
«Men Espozitoni shaxsan kuzatdim va u menda juda katta taassurot qoldirdi. U kamtar, professional, motivatsiyaga toʻla va doimiy ishtiyoq bilan harakat qiladi. Men uni Italiya terma jamoasining jahon chempionati tarkibiga hech ikkilanmasdan olgan boʻlardim», — deya Buffonning soʻzlaridan iqtibos keltiradi calcionapoli1926.it.
Eslatib oʻtamiz, ayni paytda «Inter» A Seriya turnir jadvalida peshqadamlik qilmoqda.
“Zamin”ni Telegramʻda oʻqing!
