Италия терма жамоаси ва Туриннинг «Ювентус» клуби собиқ дарвозабони Жанлуижи Буффон ҳозирги пайтда энг катта истиқболга эга италиялик футболчи кимлигини айтди. Унинг фикрича, бу — Миланнинг «Интер» жамоасида тўп сураётган Пио Эспозито. Бу ҳақда euro-football.ru хабар беради.
Буффон ёш ҳужумчининг яқин келажакда катта саҳнада ёрқин порлашига умид билдирди ва у аллақачон жаҳон чемпионатида ўзини кўрсатиши мумкинлигини таъкидлади.
«Мен Эспозитони шахсан кузатдим ва у менда жуда катта таассурот қолдирди. У камтар, профессионал, мотивацияга тўла ва доимий иштиёқ билан ҳаракат қилади. Мен уни Италия терма жамоасининг жаҳон чемпионати таркибига ҳеч иккиланмасдан олган бўлардим», — дея Буффоннинг сўзларидан иқтибос келтиради calcionapoli1926.it.
Эслатиб ўтамиз, айни пайтда «Интер» А Серия турнир жадвалида пешқадамлик қилмоқда.
“Zamin”ни Telegram'да ўқинг!
