Chempionlar ligasida umumiy bosqich yakuniga yetdi. Endi navbat pley-offga: 16 jamoa stykli raundda to'qnash kelib, 1/8 final uchun sakkizta yo'llanmani o'ynab beradi. Umumiy bosqichning eng kuchli sakkiz jamoasi esa 1/8 finalga to'g'ridan to'g'ri yo'l oldi. Bu haqda euro-football.ru xabar beradi.
Shu orada UEFA Chempionlar ligasi finali uchun mo'ljallangan rasmiy to'pni taqdim qildi. U qoramtir ranglar uyg'unligida ishlangan bo'lib, ustida oq yulduzlar tasviri bor. To'pni Adidas ishlab chiqargan.
2025/2026 yilgi mavsum Chempionlar ligasi finali Budapeshtda bo'lib o'tadi. “Quloqli” sovrin uchun hal qiluvchi uchrashuv 30 may, shanba kuni o'ynaladi.
Hozirgi amaldagi chempion — “PSJ”. O'tgan finalda parijliklar “Inter”ni 5:0 hisobida yirik mag'lub etib, kubokni qo'lga kiritgan edi.
“Zamin”ni Telegramʻda oʻqing!
