Krishtianu Ronalduning jufti Jorjina Rodriges ijtimoiy tarmoqlarda yangi surat ulashdi. Kadrda portugaliyalik hujumchi sport zalida gantellar bilan mashq qilayotgani aks etgan. Bu haqda euro-football.ru xabar beradi.
41 yoshli futbolchi yonida uning qizlaridan biri ham bo‘lgan. Qizaloq ham gantel ko‘tarib turgan, biroq u kichik va pushti rangli ekan.
Jorjina suratga “Dada” deb izoh qoldirdi. Avvalroq u Ronalduga tug‘ilgan kuni munosabati bilan tabrik ham yo‘llagan, biroq post futbolchining 41 yoshga to‘lganidan bir kun o‘tib e’lon qilingani e’tibor tortgan.
Shu bilan birga, Ronaldu “Al-Nasr”ning bir nechta so‘nggi uchrashuvlarini o‘tkazib yubordi. OAVda esa portugaliyalik futbolchi klub boshqaruvidan norozi bo‘lgani sabab o‘yinlarni boykot qilayotgani haqida xabarlar tarqaldi.
“Zamin”ni Telegramʻda oʻqing!
