Argentina terma jamoasi sardori Lionel Messi 2026 yilgi jahon chempionatida ishtirok etmasligi ehtimoli bor. The Touchline xabariga ko'ra, 38 yoshli hujumchi mundialga bormaslik variantini ham inkor qilmayapti. Bu haqda euro-football.ru xabar beradi.
Manbada aytilishicha, hammasi Messining jismoniy holatiga bog'liq bo'ladi. U o'zini 100 foiz tayyorlikdan hatto 1 foizga pastroq sezsa ham, jahon chempionatiga yo'l olmaslik qarorini qabul qilishi mumkin.
Messi MLS darajasini mundial oldidan eng yuqori sport formasiga chiqish uchun yetarlicha raqobatli emas, deb hisoblaydi. Shu bois u bu kamchilikni to'liq, ya'ni 100 foizlik jismoniy tayyorgarlik bilan qoplash kerakligini tushunadi.
2026 yilgi jahon chempionatida Argentina amaldagi chempion sifatida titulini himoya qiladi. Oxirgi mundial finalida “albiseleste” Fransiyani 3:3 hisobidagi durangdan so'ng penaltilar seriyasida mag'lub etgan edi.
“Zamin”ni Telegramʻda oʻqing!
