Аргентина терма жамоаси сардори Лионел Месси 2026 йилги жаҳон чемпионатида иштирок этмаслиги эҳтимоли бор. The Touchline хабарига кўра, 38 ёшли ҳужумчи мундиалга бормаслик вариантини ҳам инкор қилмаяпти. Бу ҳақда euro-football.ru хабар беради.
Манбада айтилишича, ҳаммаси Мессининг жисмоний ҳолатига боғлиқ бўлади. У ўзини 100 фоиз тайёрликдан ҳатто 1 фоизга пастроқ сезса ҳам, жаҳон чемпионатига йўл олмаслик қарорини қабул қилиши мумкин.
Месси MLS даражасини мундиал олдидан энг юқори спорт формасига чиқиш учун етарлича рақобатли эмас, деб ҳисоблайди. Шу боис у бу камчиликни тўлиқ, яъни 100 фоизлик жисмоний тайёргарлик билан қоплаш кераклигини тушунади.
2026 йилги жаҳон чемпионатида Аргентина амалдаги чемпион сифатида титулини ҳимоя қилади. Охирги мундиал финалида «альбиселесте» Францияни 3:3 ҳисобидаги дурангдан сўнг пенальтилар сериясида мағлуб этган эди.
“Zamin”ни Telegram'да ўқинг!
