«Al-Nasr» bosh murabbiyi Jorje Jezush Krishtianu Ronaldu nega yaqinlashib kelayotgan uchrashuvni o‘tkazib yuborishini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida «Arkadag»ga qarshi maydonga tushadi. Portugaliyalik yulduz forvard tez orada maydonga qaytishi kutilayotgani aytilayotgan bo‘lsa-da, aynan shu bahsda u jamoaga yordam bera olmaydi.
Jezushning so‘zlariga ko‘ra, murabbiylar shtabi zich taqvim sabab Ronaldu va asosiy tarkibdagi yana bir nechta futbolchiga dam berishga qaror qilgan. Sababi oldinda chempionatdagi muhim to‘qnashuv — «Al-Fateh»ga qarshi o‘yin turibdi.
«Ronalduga dam berish yangilik emas. Bu Saudiya Arabistoni tashqarisida o‘tadigan uchrashuvlarda u ilk bor maydonga tushmayotgani ham emas», — deya Jezushning fikrini keltiradi Al Nassr Zone.
Saudiya chempionatida «Al-Fateh» — «Al-Nasr» uchrashuvi shanba, 14-fevral kuni bo‘lib o‘tadi.
“Zamin”ni Telegramʻda oʻqing!
