Saudiya Arabistoni chempionatining 22-turida «Al-Nasr» safarda «Al-Fateh»ni 2:0 hisobida mag'lub etdi. Uchrashuvdagi gollardan biriga 41 yoshli markaziy hujumchi Krishtianu Ronaldu mualliflik qildi — u boykotdan keyin maydonga qaytdi. Bu haqda euro-football.ru xabar beradi.
O'yindan so'ng futbol sharhlovchisi Aleksandr Yelagin portugaliyalik yulduzning harakatlariga yuqori baho berdi.
«Buyuk futbolchi boykotdan keyin qaytdi va gol urdi! Faqat gol urib qolmadi, himoyada ham ishladi, bir necha bor darvoza oldidan to'pni uzoqlashtirdi. Go'yo yosh boladek yuguryapti! Ham qoyil qolaman, ham havas qilaman», — deb yozdi Yelagin ijtimoiy tarmoqlarda.
Joriy mavsumda Ronaldu Saudiya chempionatida 19 o'yinda 18 ta gol urdi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
