FIFA toifasidagi sobiq hakam Iturralde Gonsales «Benfika»ning UEFAga yo‘llagan shikoyati yuzasidan fikr bildirdi. Lissabon klubi «Real»ga qarshi o‘yinda hakamlik adolatsiz bo‘lganini ta’kidlagan, bahsning 82-daqiqasida Federiko Valverde Samuyel Dalga zarba bergan vaziyatda esa mezbonlar futbolchisiga qizil kartochka ko‘rsatilmagan. Bu haqda euro-football.ru xabar beradi.
Iturraldening fikricha, bu epizodda qat’iy qaror bo‘lishi kerak edi. «Bu — qizil kartochka. U hech qanday sababsiz zarba berdi. Valverdeni, hatto raqibiga to‘liq tekkizmagan bo‘lsa ham, maydondan chetlatish lozim edi», — deb sobiq arbitrdan iqtibos keltiradi AS.
«Benfika» va «Real» o‘rtasidagi uchrashuv UEFA Chempionlar ligasi pley-off bosqichi doirasida o‘tkazildi. Madridliklar Vinisius Juniorning goli evaziga 1:0 hisobida g‘alaba qozondi. Javob o‘yini 24-fevral kuni bo‘lib o‘tadi.
“Zamin”ni Telegramʻda oʻqing!
