O‘zbekistonlik himoyachi Abduqodir Husanov "Manchester Siti" bosh murabbiyi Pep Gvardiola haqida iliq fikr bildirdi va uning yordami uning rivojlanishida muhim ahamiyatga ega ekanini taʼkidladi.
Husanovning aytishicha, ispaniyalik mutaxassis u bilan individual tarzda ko‘p mashq qiladi va har bir o‘yin pozitsiyasini, harakatlar detallarini batafsil tushuntirib beradi.
“Men Pepdan chuqur minnatdorman. U men bilan alohida ko‘p vaqt sarfladi va o‘yinning har bir jihatini tushuntirib berdi. Biz qadamma-qadam rivojlanyapmiz — u menga bosim qo‘ymaydi va menga vaqt kerakligini yaxshi tushunib turibdi”, — dedi Husanov.
Shu fikrlardan ko‘rinib turibdiki, Gvardiola yosh himoyachini bosqichma-bosqich asosiy tarkibga tayyorlashni rejalashtirgan. Bunday individual yondashuv Husanov uchun tajriba orttirish va Yevropa futbol ligalaridagi faoliyatini mustahkamlashda katta ahamiyatga ega.
Muxlislar uchun bu xabar katta quvonch va umid manbaidir: Abduqodirning mehnati va Pepning maslahatlari orqali “shaharliklar”dagi faoliyati yana-da samarali va natijali bo‘lishi kutilmoqda.
“Zamin”ni Telegramʻda oʻqing!
