16:39 / 26.10.2020
1 241

Jastin Getji: Habib faoliyatini tugatdi, endi men birinchi raqamli jangchiman

Jastin Getji: Habib faoliyatini tugatdi, endi men birinchi raqamli jangchiman
Foto: Getty Images
Amerikalik yakkakurashchi Jastin Getji UFC 254 musobaqasida Habib Nurmagomedovdan uchralgan mag‘lubiyatdan keyin o‘z fikrlarini bildirdi.

«Mag‘lubiyat — bu hali yakun degani emas. Ikki bor mag‘lubiyatga uchraganman va hozir menga nazarga tashlang. Men shunchaki kamar uchun kurashdim. Dastin Porega 2018 yilda yutqazganimdan keyin mana shu darajadagi jangda qatnasha olishimga ishongan odamlar ko‘p emas. Men bunga ishondim, chunki musobaqalashishni juda yaxshi ko‘raman. Nega endi yo‘q? Habib faoliyatini yakunlaganidan keyin men birinchi raqamga aylandim», — deydi Getji.

Eslatib o‘tamiz, 24 oktabr kuni Abu-Dabidagi (BAA) «Jangchilar oroli»da bo‘lib o‘tgan musobaqa asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qildi.
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)