1 iyul kuni dunyoda ro‘y bergan voqea-hodisalar

1 iyul sanasi tarixda bir qator muhim voqealar, mustaqillik e’lonlari va xalqaro tashkilotlar faoliyati boshlangan sana sifatida qayd etilgan. Bu kun turli davlatlar va jahon hamjamiyati uchun siyosiy, ijtimoiy va texnologik jihatdan muhim burilishlarni namoyon etgan.

1994- O‘zbekiston Respublikasining milliy valyutasi – so‘m muomalaga kiritilgan kun

1 iyul O‘zbekistonda Milliy valyuta kuni sifatida nishonlanadi. 1994 yilda 1, 3, 5, 10, 25, 50 va 100 so‘mlik qog‘oz banknotalar hamda tanga pullar muomalaga kiritilgan.

1867 – Kanada rasman davlat maqomini oldi
1 iyul 1867 yili Kanadada «Buyuk Britaniya Amerika akti» (British North America Act) kuchga kirib, mamlakat mustaqil dominion sifatida shakllandi. Bu hodisa Kanada tarixida muhim burilish bo‘lib, «Canada Day» sifatida har yili nishonlanadi. Bu sana milliy birlik va davlatchilikni anglatadi.

1903 – Ilk Tur de Frans musobaqasi start oldi


1 iyul 1903 yilda Fransiyada birinchi marta Tur de Frans musobaqasi o‘tkazildi. Bu velosiped sportidagi eng mashhur va mashaqqatli marafon hisoblanadi. Ilk musobaqa Parijdan boshlanib, 6 bosqichdan iborat bo‘lgan va 2,428 kmni tashkil etgan. G‘olib — Moris Garen.

1997 – Gonkong Xitoyga qaytarildi
1 iyul 1997 yili tarixiy geosiyosiy voqea — Gonkong 99 yildan so‘ng Buyuk Britaniya tomonidan Xitoy Xalq Respublikasiga topshirildi. Bu bilan Gonkong “bir mamlakat – ikki tizim” tamoyili asosida Xitoy tarkibiga qaytdi. Bu kun Gonkongda Siyosiy qaytish kuni sifatida yod etiladi.

2002 – Xalqaro jinoyat sudi ish boshladi
1 iyul 2002 yili International Criminal Court (ICC) — Xalqaro jinoyat sudi rasman ish boshladi. Sud Gaaga (Niderlandiya)da joylashgan bo‘lib, urush jinoyatlari, genotsid va insoniyatga qarshi jinoyatlarni tergov qilish va jazolash bilan shug‘ullanadi.

2003 – Airbus A330-300 birinchi parvozini amalga oshirdi (Kanadada)

1 iyul 2003 yili Air Canada aviakompaniyasi Airbus A330-300 uchog‘idan(samolyot) ilk marta tijorat reysida foydalandi. Bu havo kemasi yuqori quvvat va zamonaviy texnologiyalar bilan jihozlangan bo‘lib, uzoq masofalar uchun mo‘ljallangan.

1967 – The Beatles “All You Need Is Love” qo‘shig‘i bilan BBC orqali jonli efirda chiqdi
Aynan 1 iyul kuni The Beatles jamoasi dunyo bo‘ylab 400 millionga yaqin tinglovchiga «All You Need Is Love» taronasini jonli efir orqali taqdim etgan. Bu qo‘shiq urushlarga qarshi murojaat va muhabbatni targ‘ib qilgan tarixiy ijodiy lahza bo‘lib qolgan. “Zamin”ni Telegramʻda oʻqing!