Президент Шавкат Мирзиёевнинг қарорига кўра, 2026 йил 1 июлдан бошлаб Ўзбекистонда ягона туризм платформаси ва мобил илова ишга туширилади. Ушбу тизим орқали хорижий меҳмонлар e-SIM улашлари ва ўз турар жойларини автоматик рўйхатдан ўтказишлари мумкин бўлади.
Янги платформа саёҳат йўналишларини ишлаб чиқиш, транспорт воситаларини танлаш ва чипта сотиб олиш имкониятини беради. Шунингдек, ягона чипта тизими жорий этилиб, музейлар, маданий объектлар ва турли тадбирларга кириш имкониятини тақдим этади.
2026 йил охирига келиб платформа сунъий интеллект ва катта маълумотларни таҳлил қилиш тизими билан тўлдирилади. Шунингдек, дам олиш уйлари ижарасини расмийлаштириш жараёни осонлаштирилади.
Фуқаролар барча зарур ҳужжатларни Солиқ иловаси орқали расмийлаштиришлари мумкин бўлади.
Меҳмон гуруҳидаги фойдаланувчилар ушбу мақолага изоҳ қолдира олмайди.
