Жаҳон банки Ўзбекистон учун 250 миллион АҚШ долларлик молиялаштириш пакетини тасдиқлади. Ушбу маблағ мамлакатнинг 16 тумани ва шаҳрида инфратузилма ва хизматларни модернизация қилишга йўналтирилади.
Дастур тахминан 1 миллион кишининг ҳаёт сифатини яхшилаши кутилмоқда. Лойиҳа "Яшаш учун қулай ва самарали шаҳарлар дастури" (Livable and Productive Cities Program, LPCP) доирасида амалга оширилади ва аҳоли сонининг тез ўсиши шароитида шаҳарларни ривожлантиришни қўллаб-қувватлайди.
Бугунги кунда Ўзбекистон аҳолисининг ярмидан кўпи шаҳарларда истиқомат қилади, 2050 йилга келиб бу кўрсаткич 60 фоиздан ошиши мумкин. Молиялаштириш йўлларни, ичимлик суви ва канализация тизимларини, жамоат транспортини, боғлар ва бошқа жамоат жойларини шунингдек, мактаблар, болалар боғчалари ва тиббий муассасалар каби ижтимоий инфратузилмани янгилашга йўналтирилади.
Дастур 13 вилоят, жумладан Янгийўл ва Марғилон шаҳарларини ҳамда бутун мамлакат бўйлаб 14 туманни қамраб олади. Лойиҳани Иқтисодиёт ва молия вазирлиги маҳаллий ҳокимият органлари билан ҳамкорликда амалга оширади.
2030 йилга келиб, дастур 300 минг кишини транспорт тизимларига киришини яхшилаш, 400 минг киши учун янги боғлар ва жамоат жойларини яратиш ҳамда қурилиш соҳасида 10 минг вақтинчалик иш ўринларини таъминлашни режалаштиради. Ёрдам олувчиларнинг ярмидан кўпи аёллар бўлиши кутилмоқда.
