Ўзгидромет маълумотига кўра, 5 январ куни Тошкентда шамол ва туман кузатилиши мумкин. Кундузи ҳаво ҳарорати +5…+7° атрофида бўлади, кечаси эса -3° гача пасаяди. Бу ҳақда kursiv.uz хабар беради.
Самарқанд, Жиззах ва Сирдарё вилоятларида ёғингарчилик кутилмайди, ҳаво +2…+7° гача исийди. Фарғона водийсида ҳам кундузги ҳарорат шунга яқин бўлади, бироқ туман сабаб йўлларда кўриш масофаси қисқариши эҳтимоли бор.
Қорақалпоғистон ва Хоразмда ҳаво ҳарорати -2° дан +3° гача бўлиши прогноз қилинмоқда. Мамлакатнинг айрим ҳудудларида шамол тезлиги 12 м/с гача кучайиши мумкин.
Тоғли ҳудудларда 5 январ куни ҳам қор кўчкиси хавфи сақланиб қолади. Синоптиклар тоғларда ёғингарчилик бўлмаслигини, ҳаво 3° гача исишини билдирар экан, туман ҳамда шамолнинг 12 м/с гача кучайишидан огоҳлантирди.
“Zamin”ни Telegram'да ўқинг!
