Жорий йилнинг 18–19 апрель кунлари Ўзбекистоннинг аксарият ҳудудларида асосан қуруқ об-ҳаво шароити кузатилади. Бу ҳақда “Ўзгидромет” томонидан эълон қилинган прогноз маълумотларида қайд этилган.
Унга кўра, шанба ва якшанба кунлари республика бўйича кўплаб ҳудудларда ёғингарчиликсиз об-ҳаво сақланиб туради, фақат Тошкент, Самарқанд, Жиззах ва Сирдарё вилоятларининг айрим ҳудудларида қисқа муддатли ёмғир ҳамда момақалдироқ кузатилиши эҳтимоли мавжуд.
Дам олиш кунлари давомида ҳаво ҳарорати аста-секин кўтарилиб боради ва якшанба куни кундузги ҳарорат 20–25 даража атрофида, жанубий ҳудудларда эса 26–28 даражагача кўтарилиши кутилмоқда.
Тошкент шаҳрида дам олиш кунлари давомида қисқа муддатли ёмғир ёғиши эҳтимоли бор. Шанба куни ҳаво ҳарорати 19–21 даража атрофида, якшанба куни эса 21–23 даража атрофида илиқ бўлиши прогноз қилинмоқда.
“Zamin”ни Telegram'да ўқинг!
