Joriy yilning 18–19 aprel kunlari O‘zbekistonning aksariyat hududlarida asosan quruq ob-havo sharoiti kuzatiladi. Bu haqda “O‘zgidromet” tomonidan e’lon qilingan prognoz ma’lumotlarida qayd etilgan.
Unga ko‘ra, shanba va yakshanba kunlari respublika bo‘yicha ko‘plab hududlarda yog‘ingarchiliksiz ob-havo saqlanib turadi, faqat Toshkent, Samarqand, Jizzax va Sirdaryo viloyatlarining ayrim hududlarida qisqa muddatli yomg‘ir hamda momaqaldiroq kuzatilishi ehtimoli mavjud.
Dam olish kunlari davomida havo harorati asta-sekin ko‘tarilib boradi va yakshanba kuni kunduzgi harorat 20–25 daraja atrofida, janubiy hududlarda esa 26–28 darajagacha ko‘tarilishi kutilmoqda.
Toshkent shahrida dam olish kunlari davomida qisqa muddatli yomg‘ir yog‘ishi ehtimoli bor. Shanba kuni havo harorati 19–21 daraja atrofida, yakshanba kuni esa 21–23 daraja atrofida iliq bo‘lishi prognoz qilinmoqda.
