Расмий: Ўзбекистонда уй бекаларига ҳам «декрет пули» тўланади — 4 млн сўмгача
2026 йилдан бошлаб Ўзбекистонда уй бекалари ҳам ҳомиладорлик ва туғруқ нафақасини олиш имкониятига эга бўлади. Бунинг учун фуқаролар ўзини ўзи банд қилган шахс сифатида рўйхатдан ўтиб, ижтимоий суғурта тизимига уланишлари лозим. Камида 10 ой давомида ойлик бадалларни тўлаган аёллар 4 миллион сўмгача нафақа олишлари мумкин.
2026 йилдан бошлаб ҳомиладорлик ва туғруқ бўйича нафақани уй бекалари ҳам олиши мумкин бўлади. Бу ҳақда расмий маълумот берилди.
Янги тартибга кўра, бу имтиёздан фойдаланиш учун фуқаро ўзини ўзи банд қилган шахс сифатида расмий рўйхатдан ўтиши ва ижтимоий суғурта тизимига уланиши талаб этилади.
Шартлар ҳам аниқ белгиланган: ҳар ой 63 550 сўм миқдорида бадал тўлаш ва камида 10 ой давомида узлуксиз тўлов амалга ошириш керак бўлади.
Шу тизим орқали уй бекалари ҳам келгусида ҳомиладорлик ва туғруқ даврида 4 миллион сўмгача нафақа олиш имкониятига эга бўлади.
Изоҳлар 0
…