Тожикистон: коррупцияга қарши курашган мулозимнинг уйидан қоп-қоп пул ва машиналар яширилган бункер топилди » Ўзбекистон янгиликлари – Zamin.uz

Тожикистон: коррупцияга қарши курашган мулозимнинг уйидан қоп-қоп пул ва машиналар яширилган бункер топилди

Дунё 19-05-2017, 19:02 1 006
Тожикистон: коррупцияга қарши курашган мулозимнинг уйидан қоп-қоп пул ва машиналар яширилган бункер топилди
Тожикистон коррупцияга қарши курашиш органи катта терговчиси Фирдавс Ниёзбадаловнинг уйидан қоп-қоп доллар, олтин, қимматбаҳо тошлар ва олтита жип яширилган бункер топилди. Бу ҳақда “Ҳилол” нашри хабар бермоқда.

Бункер 16 май куни Бўстон шаҳридаги Ниёзбадаловнинг ота-онасига қарашли уйни тинтиш пайтида топилган.

Фирдавс Ниёзбадалов Миллий хавфсизлик кенгаши собиқ котиби Амирқул Азимовнинг куёви, Сўғд вилояти прокурори собиқ ўринбосари Абдуғаффор Ниёзбадаловнинг ўғлидир.

Тинтув пайтида Фирдавс Ниёзбадаловнинг онаси бойликлар ўғлига эмас, у ва эрига тегишли эканини айтган. Бунга жавобан терговчилар “Оддий нотариус бўлиб ишлаб, бунча бойликни қандай тўпладингиз?” дея сўраган.

Фирдавс Ниёзбадаловнинг онаси қаттиқ қаршилик қилавергач, бойликларни гувоҳлар иштирокида санаш тўхтатилиб, ҳаммаси муҳрланган ва олиб кетилган.

Аввалроқ Фирдавс Ниёзбадаловнинг Хўжанд прокуратурасида терговчи бўлиб ишлаган акаси Алишернинг уйидан ҳам тинтув чоғида анчагина бойлик топилган.
Загрузка...

Zamin.uz нинг Instagram’даги расмий каналига обуна бўлиб, янгиликлардан хабардор бўлинг.