Sony махфий смартфонининг "айғоқчи" суратлари тарқалди » Ўзбекистон янгиликлари – Zamin.uz

Sony махфий смартфонининг "айғоқчи" суратлари тарқалди

Sony махфий смартфонининг "айғоқчи" суратлари тарқалди

Шу йилда тақдим этилиши мўлжалланган Xperia F8331 смартфони ниқоби остидаги Sony'нинг янги флагмани суратлари GSMArena сайтида пайдо бўлди. Бу ҳақда "Кун" хабар бермоқда. "Айғоқчи" расмларда кўриниб турганидек, янги смартфоннинг кўриниши Z-серия дизайнидан катта фарқ қилади: унинг юқори ва пастки юзалари текис, четлари эса қайрилган.

Унинг олд панелида динамикалари ва NFC-антенналари жойлашган, орқасида эса - камеранинг янги тузилмаси ва иккиламчи LED-чақмоқлари. Xperia F8331 смартфонининг пастки қисмида USB Type-C портини кўриш мумкин, юқори қисмида эса - 3,5 миллиметрли аудиокириш.
Sony махфий смартфонининг "айғоқчи" суратлари тарқалди

Манбага кўра, янги қурилманинг экрани Xperia X Performance'дан бироз каттароқ бўлади. Бундан ташқари флагманнинг иккита - олд ва орқа камераси ҳам - видеони 4K-сифатда тасвирга олиш имконига эга бўлади.

Xperia F8331 смартфонининг тақдимот муддати номаълум, лекин у йил охиригача чиқиши керак. Янги қурилма 2016 йилнинг сентябрида Берлинда бўлиб ўтадиган IFA кўргазмасида намойиш этилиши мумкин, зеро Sony'нинг унда иштирок этиши олдиндан маълум.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru