Full HD экранли ўйин ноутбуки ASUS ROG G701VI сотувга чиқади » Ўзбекистон янгиликлари – Zamin.uz

Full HD экранли ўйин ноутбуки ASUS ROG G701VI сотувга чиқади

Full HD экранли ўйин ноутбуки ASUS ROG G701VI сотувга чиқади

Тайваннинг ASUS компанияси Republic of Gamers (ROG) сериясига тегишли янги ASUS ROG G701VI ноутбукини тақдим этди. Ушбу моделнинг тайёрланаётгани борасида компания сентябрь ойида ўтказилган IFA 2016 кўргазмасида маълум қилган эди.

Ноутбук кадрни янгилаш частотаси 120 Гц бўлган 17,3 дюймли Full HD форматидаги дисплей билан жиҳозланган. Terabayt.uz сайтининг ёзишича, айнан ману шу инновация гаджетнинг энг асосий хусусияти ҳисобланади. Шу билан бир қаторда ноутбук кадрнинг кесилиши ёки секин юкланишини бартараф этишга қаратилган NVIDIA G-Sync адаптив синхронизация технологиясини қўллаб-қувватлайди.
Full HD экранли ўйин ноутбуки ASUS ROG G701VI сотувга чиқади

Видеокартага келсак, ASUS ROG G701VI кучли, 8 ГБ GDDR5X хотирага эга fGTX 1080 дискрет тезлаткичи билан қувватланган. Ноутбук VR (виртуал реаллик) қурилмаларига ҳам мос келади.
Full HD экранли ўйин ноутбуки ASUS ROG G701VI сотувга чиқади

Модель модификациясига қараб Intel Core i7-6820HK ёки Core i7-6700HQ процессорида ишлайди, унга 64 ГБгача бўлган DDR4-2400 туридаги оператив хотира ўрнатиш мумкин. Портлардан USB 3.1 Type-C, учта USB 3.0, биттадан HDMI, Mini DisplayPort ва Thunderbolt слотлари кўзда тутилган.

Габаритлари — 429 × 309 × 33–35 мм, оғирлиги – 3,8 кг. Модель декабр бошида 3000 евро нархида Европада сотувга чиқади.

Рейтинг:
  • Dislike
  • 0
  • Like
Ҳавола:
Рейтинг@Mail.ru