2025 йил 1 декабр куни Dior модалар уйи расмий вакили сифатида реп хонандаси Даниэль Бальбуэна, яъни 070 Shake тахаллуси билан танилган ижодкорни танлади. Бу ҳақда WWD нашри компанияга таяниб хабар берди.
"Америкалик хонанда, қўшиқлар муаллифи ва продюсер, ўзининг ноёб ва истиқболли услуби билан замонавий мусиқанинг энг жозибадор овозларидан бири сифатида танилган. Унинг ижоди реп ва муқобил поп мусиқаси чегарасида жойлашган", — дейилади Dior баёнотида.
Даниэль Бальбуэна 1997 йил 13 июн куни Нью-Жерсида туғилган. У мусиқий фаолиятини 2015 йилда бошлаган.
Унинг хип-хоп, R&B ва муқобил электроника жанрларини бирлаштирган ўзига хос овози уни машҳур қилган. 070 Shake Kanye West билан ҳамкорликлари ва GOOD Music лойиҳаларидаги иштироклари орқали кенг танилди.
2020 йилдан буён у учта альбом чиқарган: "Modus Vivendi", "You Can’t Kill Me" ва "Petrichor".
Меҳмон гуруҳидаги фойдаланувчилар ушбу мақолага изоҳ қолдира олмайди.
