Қозоғистон Маданият ва ахборот вазири Аида Балаева мамлакатда оммавий ахборот воситаларини қонунни бузмаган тақдирдагина ҳимоя қилишларини маълум қилди. Бу ҳақда у КазТаг агентлигига нисбатан очилган жиноят иши юзасидан изоҳ берди.
КазТаг аввалроқ Freedom Finance компаниясининг алданган инвесторларига оид материалларни эълон қилган эди. Мазкур иш Freedom Finance томонидан қилган ариза асосида очилган.
Компания КазТагда чоп этилган материаллар ҳақиқатга мос келмаслигини билдирган эди. Кейинчалик Freedom Holding Corp (FRHC) компаниясининг бош директори ва асосий акциядори Тимур Турлов Олма-ота шаҳридаги журналистлар билан учрашувда КазТаг ҳар куни бир неча ўнлаб мақолаларни нейтралликдан йироқ шаклда эълон қилганини айтди.
"Улар орасида кўплаб ғаройиб ҳолатлар бор. Бу очиқчасига манипуляция қилишга уринишлар. Регуляторларни ва умуман манипуляция қилиш", — дея изоҳлади Турлов.
Бизнесмен туҳматга оид барча далилларни йиғишга ҳаракат қилганликларини таъкидлади. У FRHC қонун доирасида ҳаракат қилишини айтди.
Бундан ташқари, Freedom Finance компанияси адвокати Александр Камендровский ҳуқуқни муҳофаза қилиш органлари компанияга қарши ҳужумлар бўйича ишни чўзаётганини айтди. "Тергов органларининг пассивлиги қонун олдида тенглик конституциявий принципига зид келади ва жамиятнинг адлия тизимига бўлган ишончини заифлаштиради.
Қонунийлик ва ҳуқуқ тартибини таъминлаш ўрнига, сунъий қийинчиликлар яратилмоқда. Натижада молиявий бозорнинг қонуний ва очиқ фаолият юритаётган иштирокчиси туҳматга асосланган мақолаларга оддий жавоб олиш учун йиллар давомида курашишга мажбур бўлмоқда", — дея таъкидлади Александр Камендровский.
Меҳмон гуруҳидаги фойдаланувчилар ушбу мақолага изоҳ қолдира олмайди.
