Qozog‘iston Madaniyat va axborot vaziri Aida Balayeva mamlakatda ommaviy axborot vositalarini qonunni buzmagan taqdirdagina himoya qilishlarini ma’lum qildi. Bu haqda u KazTag agentligiga nisbatan ochilgan jinoyat ishi yuzasidan izoh berdi.
KazTag avvalroq Freedom Finance kompaniyasining aldangan investorlariga oid materiallarni e’lon qilgan edi. Mazkur ish Freedom Finance tomonidan qilgan ariza asosida ochilgan.
Kompaniya KazTagda chop etilgan materiallar haqiqatga mos kelmasligini bildirgan edi. Keyinchalik Freedom Holding Corp (FRHC) kompaniyasining bosh direktori va asosiy aksiyadori Timur Turlov Olma-ota shahridagi jurnalistlar bilan uchrashuvda KazTag har kuni bir necha o‘nlab maqolalarni neytrallikdan yiroq shaklda e’lon qilganini aytdi.
"Ular orasida ko‘plab g‘aroyib holatlar bor. Bu ochiqchasiga manipulyatsiya qilishga urinishlar. Regulyatorlarni va umuman manipulyatsiya qilish", — deya izohladi Turlov.
Biznesmen tuhmatga oid barcha dalillarni yig‘ishga harakat qilganliklarini ta’kidladi. U FRHC qonun doirasida harakat qilishini aytdi.
Bundan tashqari, Freedom Finance kompaniyasi advokati Aleksandr Kamendrovskiy huquqni muhofaza qilish organlari kompaniyaga qarshi hujumlar bo‘yicha ishni cho‘zayotganini aytdi. "Tergov organlarining passivligi qonun oldida tenglik konstitutsiyaviy prinsipiga zid keladi va jamiyatning adliya tizimiga bo‘lgan ishonchini zaiflashtiradi.
Qonuniylik va huquq tartibini ta’minlash o‘rniga, sun’iy qiyinchiliklar yaratilmoqda. Natijada moliyaviy bozorning qonuniy va ochiq faoliyat yuritayotgan ishtirokchisi tuhmatga asoslangan maqolalarga oddiy javob olish uchun yillar davomida kurashishga majbur bo‘lmoqda", — deya ta’kidladi Aleksandr Kamendrovskiy.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
