Huawei экожүйесінің кезекті ірі жаңартуы жақындап келеді: желіде OpenHarmony 7.0 Beta 1 нұсқасы пайда болды. Бұл ақпарат әзірлеушілер мен open-source жобаларына арналған GitCode платформасында (GitHub-тың Қытайдағы баламасы) анықталды. Бұл туралы Ixbt.com хабарлайды.
Бұған дейін Huawei жаңартылған платформаны сынақтан өткізу үшін бағдарламашыларды тарта бастаған болатын. Бұл HarmonyOS 7.0 релизіне белсенді дайындық жүріп жатқанын тағы бір мәрте растайды. Компания жүйенің алғашқы мүмкіндіктерін 12-14 маусым күндері өтетін HDC 2026 конференциясында көрсетеді деп күтілуде.
HDC (Huawei Developer Conference) — бұл компанияның жасанды интеллект саласындағы жетістіктері, экожүйені дамыту стратегиялары және бағдарламалық жасақтаманың ең соңғы нұсқалары таныстырылатын жыл сайынғы жиын. Инсайдерлердің хабарлауынша, жаңа операциялық жүйе жетілдірілген пайдаланушы интерфейсі мен одан да ақылды функцияларға ие болады.
Жаңа операциялық жүйені Huawei Mate 90 сериясындағы смартфондарға алдын ала орнату жоспарланған. Болжам бойынша, HarmonyOS 7.0 нұсқасында басты назар жасанды интеллект интеграциясына және құрылғылар арасындағы өзара байланыс мүмкіндіктерін кеңейтуге аударылады.
“Zamin”-ді Telegram-нан оқыңыз!
