Microsoft корпорациясы Office қолданбалары үшін күтілетін жаңартуды жариялады. Бұл жаңарту пайдаланушыларға Copilot жасанды интеллект көмекшісінің қалқымалы түймесін өшіруге мүмкіндік береді. Бұл туралы Ixbt.com хабарлайды .
Жақында Word, Excel және PowerPoint бағдарламаларында пайда болған бұл интерфейс элементі көптеген пайдаланушылардың наразылығын тудырған еді. Әсіресе, Excel пайдаланушылары түйменің ұяшықтарды жауып тастайтынына және оны толығымен жасырудың мүмкін еместігіне шағымданған болатын.
Microsoft өнім менеджері Кэтрин Киветттің айтуынша, компания пайдаланушылардың Copilot көрінісін бақылауға алу туралы сұраныстарын ескерді. Енді пайдаланушылар интерфейсті өз қалаулары бойынша реттей алады.
Жақын арада Microsoft түймені құралдар тақтасына (лента) көшіру мүмкіндігін ұсынады. Нәтижесінде ол құжаттардың үстінде қалқып жүрмейді және жұмыс процесіне кедергі жасамайды. Бұл шешім Microsoft компаниясының Windows 11 қолданбаларынан артық Copilot түймелерін алып тастау бойынша бастаған реформаларының жалғасы.
“Zamin”-ді Telegram-нан оқыңыз!
