07:07 / 19.10.2019
6 071

O‘zbekistonda Chevrolet Onix savdo belgisi ro‘yxatdan o‘tkaziladi

O‘zbekistonda Chevrolet Onix savdo belgisi ro‘yxatdan o‘tkaziladi
Foto: xcar.com.cn
O‘zbekistonda Chevrolet Onix savdo belgisini ro‘yxatdan o‘tkazish uchun ariza taqdim etildi. Bu haqda Intellektual mulk agentligining axborot qidiruv tizimida keltirilgan ma’lumotlarga tayanib, Daryo xabar berdi.

1 martdan savdo belgisini ro‘yxatga olishning yangi tartibi joriy etilgan edi. Endilikda ariza taqdim etilganidan so‘ng bir ish kuni ichida agentlik ushbu arizalar haqidagi ma’lumotni o‘z saytiga joylashtiradi.

1 sentyabrdan boshlab tovar belgisini ro‘yxatdan o‘tkazish haqidagi ariza berish faqat elektron shaklda davlat xizmatlari markazlari yoki Yagona interaktiv davlat xizmatlari portali orqali amalga oshiriladi.

Chevrolet Onix savdo belgisini ro‘yxatga olish to‘g‘risida General Motors LLC US’dan 24 sentyabrda murojaat kelib tushgan. Unga har qanday temir yo‘l transporti vositalaridan yoki maxsus jihozlangan va jamoat transporti sifatida va sotilgan transport vositalaridan tashqari avtomobillar kiradi.

Avvalroq UzAuto Motors kompaniyasi yangi modellar va yangi ranglardagi avtomobillarni yil oxiriga qadar taqdim etishi, uning arzon modellari Chevrolet Onix va yangi Tracker bo‘lishi mumkinligi haqida xabar berilgan edi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Avto » O‘zbekistonda Chevrolet Onix savdo belgisi ro‘yxatdan o‘tkaziladi