Andijondan Umra ziyoratiga joʻnatilgan 14 nafar oʻzbekistonlikning vizasi soxta boʻlib chiqdi

  • 04 dekabr 2019, 11:30
  • 1 076
  • Jamiyat
  • Andijondan Umra ziyoratiga joʻnatilgan 14 nafar oʻzbekistonlikning vizasi soxta boʻlib chiqdi
    Soʻnggi vaqtlarda ayrim turfirmalar soxta Umra vizasini rasmiylashtirib, Saudiya Arabistoni viza nizomiga zid ravishda Oʻzbekiston fuqarolarini mazkur mamlakatga kiritishga urinmoqda. Bu haqda OʻzA xabar berdi.

    Maʼlum qilinishicha, 26-noyabr, seshanba kuni Andijon viloyatida joylashgan turistik firmalardan biri tomonidan Jidda shahriga joʻnatilgan 14 nafar oʻzbekistonlikning vizasi qalbaki boʻlib chiqqan.

    Ushbu turfirma 14 nafar ziyoratchiga qalbaki vizalarni rasmiylashtirgan va Saudiya Arabistoniga yuborgan. Saudiya Arabistoni chegara xizmatining maʼlum qilishicha, ularning vizasi bekor qilinib, mamlakatga kiritilmasdan deportatsiya qilingan.

    Oʻzbekistonning Jidda shahridagi Bosh konsulxonasi va “Oʻzbekiston havo yoʻllari” AKning Saudiya Arabistonidagi vakillari bilan hamkorlikda holat yuzasidan barcha zaruriy tashkiliy tadbirlar amalga oshirilib, 27-noyabr, chorshanba kuni “Jidda—Toshkent” reysi bilan yuqoridagi 14 nafar fuqaro Oʻzbekistonga qaytarilgan.

    » » Andijondan Umra ziyoratiga joʻnatilgan 14 nafar oʻzbekistonlikning vizasi soxta boʻlib chiqdi