Qizil dengizda AQSH harbiy-dengiz kuchlariga qarashli USS Gerald R. Ford samolyot tashuvchisida 12 mart kuni kuchli yong‘in yuzaga keldi. The New York Times ma’lumotiga ko‘ra, yong‘in kema ekipajiga tayanib xabar berilganidek, kir yuvish xonasidagi quritgichning ventilyatsiya teshigidan boshlangan va tez orada alanga butun aviatashuvchiga tarqalgan.
Dengizchilar bir sutkadan ko‘proq vaqt davomida olovni bartaraf qilishga harakat qilishdi. Hodisa natijasida ekipajning 600dan ortiq a’zosining karavotlari va shaxsiy buyumlari yo‘q qilindi, shu bois ko‘pchilik jamoa a’zolari polda yoki stol ustida uxlashga majbur bo‘ldi.
Yong‘inni bartaraf etish paytida ikki kishi jiddiy jarohat oldi, yana o‘nlab dengizchilar is gazidan zaharlandi, lekin barcha jabrlanganlar hayoti xavf ostida emas. USS Gerald R. Ford bortida 4,5 mingga yaqin dengizchi va paluba aviatsiyasi uchuvchilari bor.
Eronning "Xotam al-Anbiya" harbiy qo‘mondonligi vakillari yong‘inning sababi AQSH ekipajining bir qismi qasddan harakat qilgan bo‘lishi mumkinligini taxmin qilishdi. Shtab vakili esa voqea ekipajning jangovar harakatlarda qatnashishdan qo‘rqishi tufayli yuz berganini ta’kidladi.
Bu holat AQSH harbiy-dengiz kuchlarining kema xavfsizligi va ichki tartib masalalariga e’tibor qaratishi kerakligini yana bir bor ko‘rsatdi.
“Zamin”ni Telegramʻda oʻqing!
