"Manchester City" darvozaboni Jeyms Trafford Liga kubogi finalida "Arsenal"ga qarshi o'yinda darvozasidan gol o'tkazmay, musobaqa rekordlari kitobidan joy oldi. "City" uchrashuvda 2:0 hisobida g'alaba qozondi, Trafford esa bu natijaga 23 yosh-u 163 kunligida erishdi.
Squawka ma'lumotiga ko'ra, Trafford endi so'nggi 48 yil ichida Liga kubogi finalida gol o'tkazmagan eng yosh ingliz darvozaboni bo'ldi. Uning o'yini mamlakatdagi asosiy raqiblardan biriga qarshi bosiq va ishonchli harakatlari ortidan "Manchester City"ning sovrinni qo'lga kiritishida muhim rol o'ynadi.
Bu ikki jamoa joriy mavsum avvalroq Premyer liga beshinchi turida ham uchrashgan, o'shanda bahs 1:1 hisobida yakunlangandi. Ammo bu safar "Manchester City" ancha samarali harakat qildi, Trafford esa "Arsenal"ning o'yinga qaytishiga yo'l qo'ymadi.
O'tgan yili Liga kubogini finalda "Liverpool"ni 2:1 hisobida mag'lub etgan "Newcastle" qo'lga kiritgandi. Traffordning so'nggi yutug'i endi musobaqaning yaqin tarixiga yana bir e'tiborli sahifani qo'shdi.
“Zamin”ni Telegramʻda oʻqing!
