Turkiyaning Izmir shahrida fojiali hodisa ro‘y berdi: 22 yoshli oʻzbekistonlik ayol Sevdora Hakimjonova “dom”ning to‘rtinchi qavatidan pastga tushib ketib, shifoxonada vafot etdi. Bu haqda O‘zbekistonning Istanbul shahridagi Bosh konsulxonasi xabar berdi.
Hakimjonova 17 mart kuni og‘ir ahvolda shifoxonaga yotqizilgan va besh kun davomida davolangan. Ammo tibbiy koʻrsatmalarga qaramay, uning hayotini saqlab qolish imkonsiz boʻlgan.
Bosh konsulxona va O‘zbekiston Respublikasi Vazirlar Mahkamasi huzuridagi Migratsiya agentligi marhumaning jasadini vatanga qaytarish boʻyicha zarur tashkiliy ishlarni olib bormoqda. Jasad 23 mart kuni Istanbul—Andijon reysi bilan O‘zbekistonga yuboriladi.
Hakimjonova Turkiya fuqarosi bilan shar‘iy nikoh asosida turmush qurgan. Nikoh marosimi Namangan viloyati, Chust tumanida oʻtkazilgan, rasmiy davlat nikohi esa qayd etilmagan. Oila Izmir shahrida kuyovning yaqin qarindoshlari bilan bir xonadonda yashagan. Ayni vaqtda turmush oʻrtog‘i ham e‘tirof etish kerakki, Sevdora kabi eshitish va nutqida nuqsoni boʻlgan.
Mazkur hodisa yuzasidan Turkiya huquqni muhofaza qiluvchi organlari jinoyat ishini qo‘zg‘atdi. Tergov harakatlari hozirda davom etmoqda va voqeaning barcha tafsilotlari aniqlanishi kutilmoqda.
“Zamin”ni Telegramʻda oʻqing!
