А Сериянинг 10-турида Милан клуби "Интер" сафарда "Верона" устидан 2:1 ҳисобида ғалаба қозонди. "Нерадзурралар"га сўнгги дақиқаларда Мартин Фрезенинг автоголи ёрдам берди, ўйин дуранг билан якунланиши кутилган эди.
"Интер" ўйинни фаол бошлади ва 16-дақиқада ҳисобни очди. Ҳакан Чалҳаноғлу томонидан бурчак тўпидан амалга оширилган узатмани Питр Зелинский бир зарбада дарвозанинг юқори бурчагига жойлади — 0:1.
Бироқ "Верона" тез орада ҳисобни тенглаштирди. 40-дақиқада Жованни Брадаричнинг пасини аниқ зарба билан узоқ бурчакка йўллади — 1:1.
Мезбонлар ўзини ишончни ошириб, биринчи бўлим охирида Гифт Орбан орқали устунликни қўлга киритишга яқин бўлди, бироқ унинг зарбаси устунга тегди. Танаффусга жамоалар дуранг натижа билан чиқишди.
Иккинчи бўлимда "Интер" мураббийи Кристиан Киву Барелла, Думфрис ва Эспозито каби футболчиларни майдонга тушириб, ҳужумни кучайтирди. Милан клуби тўлиқ ташаббусни қўлга олди, аммо "Верона" ҳимоясини узоқ вақт ёриб ўта олмади.
Сўнгги дақиқаларда меҳмонлар босимни кучайтириб, рақибни хатога мажбур қилди. Барелланинг чап қанотдан узатган тўпи ҳимоячи Мартин Фрезе томонидан ўз дарвозасига йўналтирилди — 1:2.
Қўшиб берилган вақтда "Интер" ҳисобни сақлаб қолди ва муҳим уч очкони қўлга киритди. Якунда "Интер" очколарини 21 тага етказиб, вақтинчалик учинчи ўринга кўтарилди ва пешқадамлардан орадағы фарқни қисқартирди.
"Верона" эса яхши ўйин кўрсатганига қарамай, мағлубиятга учради ва қуйи лигага тушиш зонасида қолди. Кристиан Киву шогирдлари бу ғалаба билан скудетто учун курашда позициясини мустаҳкамлашда давом этмоқда.
