Ўзбекистон миллий футбол терма жамоаси ФИФАнинг 2025 йил ноябрь ойидаги янгиланган рейтингида ўз ўрнини яхшилади. Жамоа 50-ўринга кўтарилиб, 1462,03 очко тўплади.
Октябрь ойида Ўзбекистон терма жамоаси 1452,34 очко билан 55-ўринни эгаллаган эди. Шундай қилиб, жамоа беш поғона юқорилашга эришди.
Мустақил Давлатлар Ҳамдўстлиги (МДҲ) давлатлари орасида Украина 28-ўрин, Россия эса 33-ўринни эгаллаб, энг юқори кўрсаткичларни қайд этди. Беларусь 99-ўринга, Тожикистон 101-ўринга, Қирғизистон эса 104-ўринга чиқди.
Аксинча, Арманистон 106-ўринга тушиб кетди, Қозоғистон 115-ўринда, Озарбайжон 127-ўринда, Эстония эса 130-ўринда жойлашган. МДҲ давлатлари ичида энг паст кўрсаткичлар Туркманистонга (137-ўрин), Латвияга (140-ўрин), Литвага (146-ўрин) ва Молдовага (158-ўрин) тегишли.
Дунё рейтингида биринчи ўринни Испания (1877,18 очко) эгаллаб турибди. Иккинчи ўринда Аргентина (1873,33), учинчи ўринда эса Франция (1870,00) қайд этилган.
Тўртинчи ўринда Англия (1834,12 очко), бешинчи ўринга эса Бразилия (1760,46 очко) кўтарилди. Октябрь ойи бошида Ўзбекистон терма жамоасига италиялик мутахассис Фабио Каннаваро бош мураббий этиб тайинланган эди. У ушбу лавозимда Тимур Кападзени алмаштирди.
Меҳмон гуруҳидаги фойдаланувчилар ушбу мақолага изоҳ қолдира олмайди.
