O‘zbekiston milliy futbol terma jamoasi FIFAning 2025-yil noyabr oyidagi yangilangan reytingida o‘z o‘rnini yaxshiladi. Jamoa 50-o‘ringa ko‘tarilib, 1462,03 ochko to‘pladi.
Oktabr oyida O‘zbekiston terma jamoasi 1452,34 ochko bilan 55-o‘rinni egallagan edi. Shunday qilib, jamoa besh pog‘ona yuqorilashga erishdi.
Mustaqil Davlatlar Hamdo‘stligi (MDH) davlatlari orasida Ukraina 28-o‘rin, Rossiya esa 33-o‘rinni egallab, eng yuqori ko‘rsatkichlarni qayd etdi. Belarus 99-o‘ringa, Tojikiston 101-o‘ringa, Qirg‘iziston esa 104-o‘ringa chiqdi.
Aksincha, Armaniston 106-o‘ringa tushib ketdi, Qozog‘iston 115-o‘rinda, Ozarbayjon 127-o‘rinda, Estoniya esa 130-o‘rinda joylashgan. MDH davlatlari ichida eng past ko‘rsatkichlar Turkmanistonga (137-o‘rin), Latviyaga (140-o‘rin), Litvaga (146-o‘rin) va Moldovaga (158-o‘rin) tegishli.
Dunyo reytingida birinchi o‘rinni Ispaniya (1877,18 ochko) egallab turibdi. Ikkinchi o‘rinda Argentina (1873,33), uchinchi o‘rinda esa Fransiya (1870,00) qayd etilgan.
To‘rtinchi o‘rinda Angliya (1834,12 ochko), beshinchi o‘ringa esa Braziliya (1760,46 ochko) ko‘tarildi. Oktabr oyi boshida O‘zbekiston terma jamoasiga italiyalik mutaxassis Fabio Kannavaro bosh murabbiy etib tayinlangan edi.
U ushbu lavozimda Timur Kapadzeni almashtirdi. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing Mavzuga oid yangiliklar
Ma’lumot
Mehmon guruhidagi foydalanuvchilar ushbu nashrga izoh qoldira olmaydi.
Mehmon guruhidagi foydalanuvchilar ushbu nashrga izoh qoldira olmaydi.
