Формула-1 пойгачиси, Ferrari жамоаси аъзоси Шарл Леклер ўзининг рафиқаси Александра Сен-Млё билан Тошкентга келди. Меҳмонни халқаро аэропортда Миллий Олимпия қўмитаси раҳбарияти кутиб олди.
Унинг ташрифи бугун Тошкентда бўлиб ўтадиган FIA Awards тақдирлаш маросими олдидан амалга оширилди. Шарл Леклер 1997 йил 16 октябр куни Монакода туғилган.
У ўз фаолиятини картингда бошлаган, кейинчалик GP3 (2016) ва Формула-2 (2017) чемпиони бўлган. Формула-1 мусобақаларида эса 2018 йилда Sauber жамоасида дебют қилган ва ўзининг барқарор натижалари билан эътиборни тортган.
2019 йилдан бери Ferrari жамоасида иштирок этиб келмоқда. Леклер Ferrari тарихидаги энг ёш ғолиб пойгачи сифатида тарихга кирган ва дебют мавсумидаёқ ушбу жамоа учун биринчи "поул" позиция ютган пойгачи бўлган.
У 2022 йилда жаҳон чемпионати мусобақаларида иккинчи ўринни эгаллаган.
Меҳмон гуруҳидаги фойдаланувчилар ушбу мақолага изоҳ қолдира олмайди.
