Генич: «Реал» бу мавсумда катта совринларга даъвогар эмас
Константин Генич «Реал»ни жорий мавсумда катта совринлар учун аниқ даъвогар деб ҳисобламади ва мадридликларни Чемпионлар лигаси фаворитлари қаторига киритмади, бироқ Ла Лига чемпионлигини қўлга киритиш эҳтимолини инкор этмади. «Қироллик клуби» Испания чемпионати турнир жадвалида 51 очко билан иккинчи ўринда бормоқда ва пешқадам «Барселона»дан бир очкога ортда қолмоқда.
Машҳур шарҳловчи Константин Генич Мадриднинг «Реал» жамоасининг жорий мавсумдаги имкониятлари ҳақида фикр билдирди. Бу ҳақда euro-football.ru хабар беради.
Геничнинг таъкидлашича, «Реал» ҳозирча ҳеч қандай йирик мақсад учун аниқ даъвогардек кўринмаяпти. У Ла Лига чемпионлигини қўлга киритиш эҳтимоли борлигини инкор этмаган бўлса-да, Чемпионлар лигасида мадридликларни фаворитлар қаторига киритмади. Бу фикрлар «Komment.Shou» YouTube каналида янгради.
Испания чемпионати турнир жадвалида «қироллик клуби» 51 очко билан иккинчи ўринда бормоқда. Алваро Арбелоа шогирдлари пешқадам «Барселона»дан атиги бир очкога ортда қолмоқда.
«Қаймоқранглилар» навбатдаги учрашувини УЕФА Чемпионлар лигаси умумий босқичининг 8-тури доирасида сафарда Лиссабоннинг «Бенфика» клубига қарши ўтказади.
Изоҳлар 0
…