Хайкин «Манчстер Сити» устидан ғалабани тарихий дея баҳолади
0
Норвегиянинг «Будё-Глимт» клуби дарвозабони Никита Хайкин «Манчстер Сити» устидан қўлга киритилган муҳим ғалаба ҳақида фикр билдирди. Бу ҳақда euro-football.ru хабар беради.
Чемпионлар лигаси умумий босқичининг 7-тур учрашувида норвегияликлар 3:1 ҳисобида зафар қучди.
«Ўйиндан кейин ҳам биз XXI аср футбол индустриясидаги энг кучли ташкилотлардан бирини ютганимизни дарров англаб етмадик. Бу учрашув нафақат жамоамиз, балки норвегияликлар ва умуман Норвегия спорти учун ҳам тарихга кирди», — деди Хайкин «VideoSports» дастурида.
Дарвозабон ушбу натижани ўз фаолиятидаги энг эсда қоларли ғалабалардан бири сифатида қайд этди.
Ҳозирда «Будё-Глимт» Чемпионлар лигаси турнир жадвалида 6 очко билан 28-ўринда бормоқда.
“Zamin”ни Telegram'да ўқинг! 
