Миланнинг «Интер» жамоаси ҳимоячиси Дензел Дюмфриснинг жароҳатдан кейинги тикланиш муддатлари бўйича янги маълумотлар пайдо бўлди. Бу ҳақда euro-football.ru хабар беради.
Журналист Паскуале Гуарронинг хабарига кўра, нидерландиялик футболчи икки ҳафта ичида умумий гуруҳ машғулотларига қўшилиши керак. Қайд этилишича, Дюмфрис 22-февраль куни бўлиб ўтадиган «Лечче»га қарши учрашувга қайтиши мумкин. 15-февралдаги «Ювентус» билан ўйинга эса футболчини қайдномага киритиш эҳтимоли бор, бироқ майдонга тушиши кутилмаяпти.
Жорий мавсумда 28 ёшли Дюмфрис барча мусобақаларда 15 та ўйинда қатнашиб, 3 та гол урди ва 1 та голли узатма берди.
Шунингдек, «Интер» 28-январ куни Чемпионлар лигаси умумий босқичидаги сўнгги учрашувини Дортмунднинг «Боруссия» жамоасига қарши ўтказади. Учрашув 01:00 да (Тошкент вақти билан) бошланади.
“Zamin”ни Telegram'да ўқинг!
