"PSJ" ёзги трансферлар вақтида ҳужум чизиғини кучайтиришни режалаштирмоқда. Клубнинг асосий мақсадларидан бири "Бавария" ҳужумчиси Ҳарри Кейн ҳисобланади. Бу ҳақда Goal.com хабар беради.
Немис нашрларининг хабар беришича, Париж клуби юлдуз ҳужумчи трансфери учун катта маблағ ажратган. Бироқ англиялик футболчининг Мюнхен клуби билан шартномаси 2027 йилгача мўлжалланган.
"Бавария" раҳбарияти Кейн билан ҳамкорликни узайтиришга ишонч билдирмоқда. Клубнинг собиқ бош директори Карл-Хайнс Румменигге футболчи Мюнхенда қолишини ва шартномани узайтириш асосий мақсад эканлигини таъкидлади.
Спорт директори Макс Эберл ҳам яқин ҳафталарда футболчининг вакиллари билан музокаралар бошланишини тасдиқлади. Кейн ўзини Мюнхенда бахтли ҳис қилаётганини бир неча бор айтиб ўтган.
Ҳужумчи 2023 йилда "Тоттенхэм"дан 100 миллион евро эвазига трансфер қилинган эди. Жорий мавсумда у 54 та гол урди ва 7 та голли узатмани амалга оширди.
“Zamin”ни Telegram'да ўқинг!
