Мунир Эл Хаддади "Барселона"даги илк кунларида жамоанинг юлдуз футболчилари томонидан қилинган ҳазилни ёдга олди. Ёш ҳужумчи Лионель Месси, Луис Суарес ва Неймар каби юлдузлар билан бир кийим алмаштириш хонасида бўлишдан ҳаяжонланган эди. Бу ҳақда Goal.com хабар беради.
18 ёшли Мунир жамоа меҳмонхонасида ўтириш учун жой қидираётганида, тажрибали футболчилар унга бўшдек кўринган жойни кўрсатишган. У жамоадошларининг кўрсатмасига ишониб, ўша жойга ўтирган.
Бироқ, бу жой аслида Лионель Мессига тегишли эди. Мунир бу ҳолатни шундай эслайди: «Тасаввур қилинг...
18 ёшда ўз жойингда ўтирсанг ва Лео келиб сенга қараб турса. Улар менга ҳазил қилишган, бунга ишонолмайман».
Ҳозирда 30 ёшда бўлган Мунир "Барселона" сафида 56 та ўйин ўтказиб, 12 та гол урган. 2025 йил сентябридан бери у Эроннинг "Истиқлол" клубида тўп сурмоқда.
“Zamin”ни Telegram'да ўқинг!
