Лондоннинг «Арсенал» жамоаси бош мураббийи Микел Артета «Сандерленд»га қарши ўйиндан сўнг учрашувни таҳлил қилди. АПЛнинг 25-турида «канонирлар» 3:0 ҳисобида ишончли ғалабага эришди. Бу ҳақда euro-football.ru хабар беради.
Артетанинг айтишича, «Сандерленд» рақибларга муаммо туғдира оладиган, жисмонан бақувват ва интизомли жамоа. «Улар тўғридан-тўғри ўйнайди, яхши ташкил топган ва учрашувни анча оғир ўтказишга мажбур қилади», — дея мураббий сўзларини Sky Sports келтирди.
Мутахассис «Арсенал» деярли ҳеч нарсани бой бермаганини таъкидлади. Унинг фикрича, фақат битта вазиятда дарвозабон тўпни ушламоқчи бўлган пайтда қоидабузарлик бўлган бўлиши мумкин, қолган эпизодларда эса жамоа вазиятни назоратда ушлаб турган.
Артета тўлиқ устунлик қилиш осон бўлмаганини ҳам қўшиб ўтди: рақиб ўйинни бузишни билади ва охирги дақиқагча курашади. «Бугун роҳатланиш вақти келди, мен жуда хурсандман», — деди у.
Ғалабадан сўнг «Арсенал» 56 очко билан турнир жадвалида пешқадам бўлиб турибди. «Манчестер Сити» ва «Астон Вилла»да эса 47 очкодан.
“Zamin”ни Telegram'да ўқинг!
