Россия терма жамоаси ва Москванинг «Спартак» клуби собиқ ярим ҳимоячиси Денис Глушаков французнинг «ПСЖ» жамоасида тўп сураётган дарвозабон Матвей Сафоновнинг сўнгги чиқишларига фикр билдирди. Бу ҳақда euro-football.ru хабар беради.
Глушаков Сафоновнинг доим эътибор марказида бўлаётгани ва майдонда ишини тўлиқ даражада бажараётганини таъкидлади. У дарвозабонга муваффақиятли сериясини давом эттиришини тилади, деб хабар берди Metaratings.ru.
Кеча Лига 1 доирасида «ПСЖ» — «Марсел» учрашувида россиялик посбон асосий таркибда майдонга тушди. Сафонов дарвозасини дахлсиз сақлаб қолди, парижликлар эса 5:0 ҳисобида йирик ғалабани расмийлаштирди.
Transfermarkt портали Матвейни 15 миллион еврога баҳоламоқда. Унинг «ПСЖ» билан тузган шартномаси 2029 йил июн ойи охиригача мўлжалланган.
“Zamin”ни Telegram'да ўқинг!
