Rossiya terma jamoasi va Moskvaning «Spartak» klubi sobiq yarim himoyachisi Denis Glushakov fransuzning «PSJ» jamoasida to'p surayotgan darvozabon Matvey Safonovning so'nggi chiqishlariga fikr bildirdi. Bu haqda euro-football.ru xabar beradi.
Glushakov Safonovning doim e'tibor markazida bo'layotgani va maydonda ishini to'liq darajada bajarayotganini ta'kidladi. U darvozabonga muvaffaqiyatli seriyasini davom ettirishini tiladi, deb xabar berdi Metaratings.ru.
Kecha Liga 1 doirasida «PSJ» — «Marsel» uchrashuvida rossiyalik posbon asosiy tarkibda maydonga tushdi. Safonov darvozasini daxlsiz saqlab qoldi, parijliklar esa 5:0 hisobida yirik g'alabani rasmiylashtirdi.
Transfermarkt portali Matveyni 15 million yevroga baholamoqda. Uning «PSJ» bilan tuzgan shartnomasi 2029 yil iyun oyi oxirigacha mo'ljallangan.
“Zamin”ni Telegramʻda oʻqing!
