Туркиянинг "Кайсериспор" клубида тўп сураётган россиялик ярим ҳимоячи Денис Макаров номаълум муддатга жамоага ёрдам бера олмайди. Бу ҳақда клуб матбуот хизмати хабар қилди. Бу ҳақда euro-football.ru хабар беради.
Текширувлар натижасида футболчининг ўнг сонининг юқори қисмидаги ўрта мушаклар гуруҳида енгил жароҳат ва шиш аниқлангани маълум қилинди. Клуб баёнотига кўра, ҳозирда даволаниш жараёни давом этмоқда.
Макаров "Кайсериспор" сафида 3 февраль куни "Галатасарой"га қарши учрашувда дебют қилганди. Ўша баҳс 0:4 ҳисобида якунланган, унинг жамоаси эса турнир жадвалида 17-ўринда бориб, лигада қолиш учун кураш олиб бормоқда. Аввалроқ ярим ҳимоячи Москванинг "Динамо" клубида ўйнаган ва у ердан эркин агент сифатида кетган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
