Сўнгги кунларда ошкор қилинган «Эпштейн файллари» дунё бўйлаб катта шов-шувга сабаб бўлди. Бу материаллар футбол оламига ҳам таъсир қилди: ҳужжатларда Франция терма жамоасининг собиқ футболчиси ва «Бавария»нинг экс-юлдузи Франк Риберининг исми тилга олинган. Бу ҳақда euro-football.ru хабар беради.
Вазиятдан сўнг Риберининг манфаатларини ҳимоя қилаётган адвокат Карло Альберто Бруза ижтимоий тармоқларда баёнот берди. У тарқалаётган маълумотларни асоссиз ва ёлғон деб атади.
«Бу фейк! Эртага жаноб Риберининг адвокати сифатида чиқаман ва мижозим ҳамда унинг оиласи шаънига путур етказаётган ёлғон хабарларни тарқатаётганларни жазолаш учун барча зарур юридик чораларни кўраман», — деб ёзди Бруза.
Қайд этилишича, Риберининг номи эълон қилинган файлларнинг уч бетига учраган. Даъво қилаётган томон уни ноқонуний фоҳишабозлик билан боғлиқ алоқаларда айблаган, шунингдек, гўёки Риберининг илтимоси билан учинчи шахс томонидан бир кишига ҳужум уюштирилгани ҳақида ҳам гапирган.
“Zamin”ни Telegram'да ўқинг!
