Карло Анчелотти Хосе Моуринонинг "Реал Мадрид"га шов-шувли қайтиши мумкинлиги ҳақидаги хабарларга ўз муносабатини билдирди. Италиялик мутахассис Моуринонинг Испания пойтахти клубида яна бир бор ажойиб натижаларга эриша олишига ишончи комил. Бу ҳақда Goal.com хабар беради.
Тҳе Атҳлетик нашрига берган интервюсида Анчелотти Моуринонинг "Реал Мадрид"га қайтиши уни хурсанд қилишини таъкидлади. Унинг сўзларига кўра, португалиялик мураббий ўзи ишлаган барча клубларда бўлгани каби, Мадридда ҳам фантастик ишни амалга ошира олади.
Анчелотти "Реал Мадрид" футболчилари ўз билганича иш тутади деган гапларни кескин рад этди. У бу миш-мишларни "сафсата" деб атаб, ўз мураббийлик фаолияти давомида жамоа билан доимий равишда стратегия устида ишлаганини ва футболчилар интизомли бўлганини эслатиб ўтди.
Италиялик мураббийнинг фикрича, Моурино муваффақиятга эришиши учун тактикадан кўра кўпроқ инсоний муносабатларга эътибор қаратиши керак. Анчелотти ўз муваффақиятининг сири футболчиларни шунчаки спортчи сифатида эмас, балки инсон сифатида тушунишга интилганида эканлигини қўшимча қилди.
“Zamin”ни Telegram'да ўқинг!
